ജിസുധാകരനുമായി സംസാരിക്കാന് പാര്ട്ടി നേതൃത്വം ആളുകളെ ചുമതലപ്പെടുത്തിയിട്ടുണ്ടെന്നാണ് മന്ത്രി സജി ചെറിയാന് പ്രതികരിച്ചത്
അതേസമയം ജി സുധാകരനുമായി സംസാരിക്കാന് പാര്ട്ടി നേതൃത്വം ആളുകളെ ചുമതലപ്പെടുത്തിയിട്ടുണ്ടെന്നാണ് മന്ത്രി സജി ചെറിയാന് പ്രതികരിച്ചത്. അതിന്റെ ഭാഗമായിട്ടായിരിക്കുമല്ലോ കേന്ദ്ര കമ്മിറ്റി അംഗം സുധാകരനെ പോയി കണ്ടത്. പാര്ട്ടി നേതൃത്വം വേണ്ട രീതിയില് ഇടപെടുന്നുണ്ടെന്നും സജി ചെറിയാന് പറഞ്ഞു.
പാര്ട്ടിക്കും മുന്നണിക്കും സഹായകരമായ സമീപനം തന്നെയാണ് ഉണ്ടാവുകയെന്ന് ജനറല് സെക്രട്ടറി എംഎ ബേബി പ്രതികരിച്ചു. ജി സുധാകരന് പാര്ട്ടിയില് ഞങ്ങളുടെയൊക്കെ നേതാവാണ്. സംസ്ഥാന സെക്രട്ടറി അദ്ദേഹവുമായി സംസാരിച്ചു. പ്രശ്നങ്ങള് ഉണ്ടെങ്കില് പരിഹരിക്കും എന്ന് എംഎ ബേബി പറഞ്ഞു. ഇന്ന് രാവിലെയാണ് സി എസ് സുജാതയും ഹരിശങ്കറും സുധാകരന്റെ പുന്നപ്രയിലെ വീട്ടിലെത്തിയത്. അതൃപ്തി പരസ്യമാക്കിയതിന് പിന്നാലെ ഇതാദ്യമായാണ് ഒരു സിപിഐഎം നേതാവ് നേരിട്ട് അദ്ദേഹത്തെ കാണാനെത്തുന്നത്.
ഇതിനിടെ നാളെ ഉദ്ഘാടനം ചെയ്യാനിരിക്കുന്ന പെരുമ്പളം പാലത്തിന്റെ ഉദ്ഘാടന പരിപാടിയിലേക്ക് സുധാകരനെ മുഖ്യാതിഥിയാക്കുകയും ചെയ്തു. മുഖ്യമന്ത്രി പിണറായി വിജയനാണ് പരിപാടി ഉദ്ഘാടനം ചെയ്യുന്നത്. പോസ്റ്ററില് ജി സുധാകരന്റെ ഫോട്ടോയും ഉള്പ്പെടുത്തിയിട്ടുണ്ട്.
Comments
Post a Comment